U CANTU DI I TRIBBIADORI

Ò tribbiera, ò tribbiera, Giremu, in tondu, in tondu

Oghje si ch'é bella fiera chi la paglia pigli fondu

Volta e gira, gira e volta chi a paglia torni granelle

Piegni a màmata ch'é morta per fane pane e bastelle

Chi la paglia torni pùla e manelle bé ligate

E la pùla torni grana, vànu messe in capale

poi a l'aghja, in core d'estate

Tribbiera, ne simu avale !

Gira l'aghja, in tondu, in tondu

Paglia in pula e granu mondu

Tribbianu forte i boni boi

Lu granu si vene a noi

E la paglia tocca a voi

Ava mezziornu e passatu

S'avicinanu duie ore

Scoppiànu i buiateri

Sine vanu a fà l'amore

In lu campu di u granu

Incu le so mundaghjole.

Ava ghjunghje San Martinu

Incu a pala e u bacinu

Ava ghjunghje San Antone

Incu a rughja di lattone.

U mio capu e cusi grande

Pare una zucca manghjaghja

U topezzu pare un tribbiu

E u fronte pare un aghja

U mio capu, u tribbiatoghju

E u nasu una ristaghja

I mio capelli incilliti

Parenu tante manelle

A mio lingua ghje una pala

E l'orechje, palmulelle

U mio buccu pare una cappia

Chi aricoglie e manelle.

Tribbia tù, chi tribbia anch'ellu

Mascherone e cudanellu

Tribbia, tribbia, un fà gaspura

Chi la paglia torni pùla

E la pùla torni granellu

Un bacinu ogni manellu

Gira l'aghja, in tondu, in tondu

Paglia in pùla e granu mondu

Guarda l'omu: alo, alo

Fatti vivu,Ò Maschero

Chi lu sole sopra a sera

Manda frescu, la mandera

Tribbia, tribbia, ò Cudanellu

Chi t'aghjuta ù to fratellu.

Gira l'aghja, in tondu, in tondu

Pane biancu e brocciu tandu.

.

    http://www.cddp-haute-corse.fr/opera_di_rutali/

.

PETRU GUELFUCCI "A TRIBBIERA"