V’aghju arrubatu mùsica
È m’eti lacatu fà
V’aghju imbulicatu
Notti di l’unu oru di l’altru
Ùn m’eti dittu nienti
V’aghju scuzzulati è m’eti tesu a mani

Vo di tutti i rughjona è ancu senza paesi
Di u Nordu più fritu
À l’Africa arrustita
M’eti lacatu andà

Oghji à tutti vi ringraziu
D’ùn avè stampiddatu u granu piantatu
In ortu di babbu
O lenza di mamma

Forse pinsàiati chè stu granu
Ancu vo l’avìati presu in calchidocu
Senza nienti dumandà

Granu tarra granu
È tarra dinò par fà chè u granu
Ci dessi dumani ancu più granu
È chè Tarra sibii un’ altra volta
Tarra di tutti sti tempa aspitendu filara
Di tutti sti monda

.

NORBERTU PAGANELLI

.

danse_en_boubou

Oeuvre Késoued

 .

Je vous ai dérobé la musique
Et vous m’avez laissé faire
Je vous ai mixés
Nuit de l’un or de l’autre
Vous ne m’avez rien dit
Je vous ai maltraités et vous m’avez tendu la main

Vous de toutes les contrées et même de nulle part
Du Nord le plus froid
A l’Afrique brûlante
Vous m’avez laissé aller

Aujourd’hui je vous remercie
Ne n’avoir pas estampillé le grain que j’ai planté
Dans le jardin paternel
Ou le potager maternel

Peut-être pensiez-vous que ce grain
Vous aussi l’aviez pris quelque part
Sans rien demander

Grain terre grain
Et à nouveau terre pour faire que le grain
Nous donne demain plus de grain
Et que la terre une fois encore soit
Terre de tous les temps espérant les mots
Du monde entier

.

NORBERT PAGANELLI