ALTRA MITA / AUTRE MOITIE
Mancu ùn aghju cretu chè u soli fussi più altu
Chè a vadina
Chè l'arimani fussi statu daretu u lindumani
È chè l'ori chi scoraniani
Si fùssini sponi in calchi principissiu sicretu
Nò tuttu hè qui
Buliatu mischiatu è com'è arrimbatu
I gesti chè no faciami
S'appicichèghjani à quiddi chè no faremu
Ùn hè micca un doppiu
Chi suita à noscia vita
Ci ni sò tanti è piu
Chi campani senza dilla
Da qui da culandi sottu è sopra
Hè l'armata di l'ombra ch'ùn hà paura di lumu
Hè lumu incù a so mità
L'altru lumu chè no chjamemu notti
.
Jamais je n'ai cru que le soleil fut plus haut
Que la rivière
Qu'hier ait été derrière demain
Et que les heures qui passaient
Se fussent dissimulées dans quelque précipice secret
Non tout est là
Mélangé mêlé et prequ'uni
Les gestes que nous faisions
Se confondent avec ceux que nous ferons
Ce n'est pas un double
Qui suit notre vie
Il y'en a tant et plus
Qui vivent sans le dire
Par ici par là-bas dessous et dessus
C'est l'armée de l'ombre que n'effraie pas le jour
C'est le jour avec sa moitié
L'autre jour que nous appelons nuit
.
NORBERT PAGANELLI
.